ـ كيفك ؟
ـ أي والله منيحة.. احكيلي انت كيفك بالبلاد البعيدة؟
ـ هههههههههه لك يا حبيبتي منا بعيدة.. أنا بمصر مو بالهند :P
ـ أي محل بتروح عليه وما بقدر شوفك بيكون بعيد :(
ـ لك بدل ما تبكي طيب افتحي الويب كام تبعتك خليني شوفك وأنا بفتح تبعتي.
ـ هههههههههه .. لا مابيصير.
ـ شو ياللي ما بيصير؟؟
ـ مابفتح الكاميرا تبعي.
ـ طيب يعني أنا كيف بدي شوفك؟...
ـ لا.. ما فيك تشوفني.
ـ اتدللي كمان اتدللي.. تقبريني... تلاقيكي بس من دون تواليت... شو فيه يعني.. والله عمحبك من دون تواليت
ـ هههههههههههههههههه
ـ واذا تحمصتي بالفرن بضل بحبك.... يلا بقى ما تعذبيني معك
ـ طيب طيب.... بشغلها هلأ.. بس تذكر انت يلي طلبت.
ـ أي.. شوفي على شو تجرأت يعني!! طلبت شوف عيون حبيبتي
ـ طب شوف هلا شغلتها.
ـ ههههههههههههههههههههههههههههههه... هههههههههههههههههه....هههههههههه
ـ بطل بقى
ـ هههههههههه ما حكيت من قبل اني بحبك ولو صرتي عبد اسود
ـ لا ما حكيت
ـ ليش ما حكيتي انو الكهربا قطعت عنكو.. ما في شمع بالبيت؟؟
ـ لافي شمع ببيتنا ولا ببيت الجيران ولا بالبلد كلها.
ـ هذا وقد صرح مسؤول كبير عن وجود أزمة شمع .. إضافة إلى أزمة الطاقة
ـ تيرا تيرن تن تااا
ـ تقبرني هاي العتمة .. تقبرني هالعيون السود :P
ـ سود؟؟ لكان آخر مرة شفتن بتذكر كانو خضر أو شيء متل هيك :P
ـ شو أخبارك بالكلية تبعك؟
ـ لكان بدك ندرس بعدما قصف الكلب بشار الكلية... مابقي شي ينفع منها... صرات خرابة كبيرة... ما في كلية.. ما في دراسة.. ما في كهربا.. ما في شمع.. مابقى شي بها البلد الملعونة.
ـ منا ملعونة.. ما تقولي هيك... اصبري حبيبتي.... بعدين ربك بيفرجها.
ـ لكن ربك ماعمل شيء لهلا شو بدو يعمل بعدين
ـ بس بس اسكتي, ما تقولي هيك.. ما تخلي اليأس يتسرب لقلبك.. ربنا كبير وعادل وما بيرضى بالظلم أبداً.. ادعي ربنا انو ما يكون ها البلد "حق عليها العذاب".. ادعي انو ما ياخدنا بذنوبنا.
ـ استغفر الله العظيم.. الله يحرقك يا بشار الكلب كفّرتنا.
ـ آمين.. احكيلي بقى شو..
ـ لالا احكيلي انت
ـ شو بحكي؟؟
ـ كيفك بمصر.. شو عامل مع المصريين والمصريات ؛)
ـ شو بحكيلك يعني.. بتعرفي.. الغريب بيضل غريب... شكلو غريب لونو غريب اسمو غريب لكنتو غربية... وأنا هلا غريب .. بطلّع بكل شي حواليا.. ما في شي بعرفو.. ما في شي مألوف.. ما في شي معتاد.. كل شي غريب عني.. حتى الناس.. المصريين هون ما بيفهو عليّ.. ما بيعرفو شي عنا لا بالسياسة ولا بالدراما.. ما في شي عم يخفف هاي الغربة إلا رفائي السوريين.. معهم بحس حالي بسوريا عنجد
ـ نحنا كمان أغراب هون.. ماضل شي من اللي كنا عم نعرفه.. مابقي سوريا اللي أخدتها معاك.. اذا بترجع ما رح تلاقيها.. على الأقل انت بغربة ببلد غريب.. نحنا هون أغراب ببلد بنسميه الوطن.... نحنا مو بس أغراب .. نحنا كفار بيجوز فينا القتل.
ـ طيب خلص.. لحسن بعدين ببكي :P
ـ انت هيك ؟ ما بتاخد شي جد أبداً
ـ باخدها جد بموت منوكد.. هيك أحسن.. الحياة أصلاً مزحة.. مزحة كبيرة لازمن... نضحك عليها... قولي ملهاة.. مسرح كوميدي.. مهزلة... مسخرة.. مو أكتر.
ـ خلي المزح والضحك لحد غيرنا.. حد ما عندو مشاكل.. او على القل يعني ما بيموت كل يوم.
ـ يعني الضحك كتير علينا لحتى نتركو لغيرنا؟
ـ لا.. بس..
ـ بلا بسبسه...... يا الله شو اشتقتلك.. واشتقت لها الفلسفة تبعك.
ـ يعني أنا عمبتفسلف؟؟؟
ـ لك يا مخبلة سمعتي "فلسفة" وما سمعتي "اشتقت".. طيب اشتقت اشتقت اشتقت اشتقت... مبين اني رح موت شوقاً وانتي ما بتردي... يعني مو بيكفي اني ماني شايفك كمان ما بدي اسمعك..
ـ لالا استنى ما تموت هلأ.. يعني انت بتعرف..
ـ شو بعرف؟؟
ـ بتعرف كل شي من دون ما أحكي... بتعرف كل شيء بحكيه .. كل شي ما عم بحكيه.. كل شي بحبو كل شي بكرهو... كل شي انت بتعرفو.
ـ أي بعرف.. عم بتحبي المانجو وعم تكرهي الخوخ.. بعرف...
ـ لا يعني انك بتقصد..قصدي .. أنا يعني ياللي بقصد.. أنو انا.. أنو انت.. عم تعرف.. انو يعني أنا....
( انقطعت الكهرباء في مصر)
هو: الله يلعنكو شركة الكهرباااااااااااااا
هي: الله يلعنك يا بشااااااااااار
ـ أي والله منيحة.. احكيلي انت كيفك بالبلاد البعيدة؟
ـ هههههههههه لك يا حبيبتي منا بعيدة.. أنا بمصر مو بالهند :P
ـ أي محل بتروح عليه وما بقدر شوفك بيكون بعيد :(
ـ لك بدل ما تبكي طيب افتحي الويب كام تبعتك خليني شوفك وأنا بفتح تبعتي.
ـ هههههههههه .. لا مابيصير.
ـ شو ياللي ما بيصير؟؟
ـ مابفتح الكاميرا تبعي.
ـ طيب يعني أنا كيف بدي شوفك؟...
ـ لا.. ما فيك تشوفني.
ـ اتدللي كمان اتدللي.. تقبريني... تلاقيكي بس من دون تواليت... شو فيه يعني.. والله عمحبك من دون تواليت
ـ هههههههههههههههههه
ـ واذا تحمصتي بالفرن بضل بحبك.... يلا بقى ما تعذبيني معك
ـ طيب طيب.... بشغلها هلأ.. بس تذكر انت يلي طلبت.
ـ أي.. شوفي على شو تجرأت يعني!! طلبت شوف عيون حبيبتي
ـ طب شوف هلا شغلتها.
ـ ههههههههههههههههههههههههههههههه... هههههههههههههههههه....هههههههههه
ـ بطل بقى
ـ هههههههههه ما حكيت من قبل اني بحبك ولو صرتي عبد اسود
ـ لا ما حكيت
ـ ليش ما حكيتي انو الكهربا قطعت عنكو.. ما في شمع بالبيت؟؟
ـ لافي شمع ببيتنا ولا ببيت الجيران ولا بالبلد كلها.
ـ هذا وقد صرح مسؤول كبير عن وجود أزمة شمع .. إضافة إلى أزمة الطاقة
ـ تيرا تيرن تن تااا
ـ تقبرني هاي العتمة .. تقبرني هالعيون السود :P
ـ سود؟؟ لكان آخر مرة شفتن بتذكر كانو خضر أو شيء متل هيك :P
ـ شو أخبارك بالكلية تبعك؟
ـ لكان بدك ندرس بعدما قصف الكلب بشار الكلية... مابقي شي ينفع منها... صرات خرابة كبيرة... ما في كلية.. ما في دراسة.. ما في كهربا.. ما في شمع.. مابقى شي بها البلد الملعونة.
ـ منا ملعونة.. ما تقولي هيك... اصبري حبيبتي.... بعدين ربك بيفرجها.
ـ لكن ربك ماعمل شيء لهلا شو بدو يعمل بعدين
ـ بس بس اسكتي, ما تقولي هيك.. ما تخلي اليأس يتسرب لقلبك.. ربنا كبير وعادل وما بيرضى بالظلم أبداً.. ادعي ربنا انو ما يكون ها البلد "حق عليها العذاب".. ادعي انو ما ياخدنا بذنوبنا.
ـ استغفر الله العظيم.. الله يحرقك يا بشار الكلب كفّرتنا.
ـ آمين.. احكيلي بقى شو..
ـ لالا احكيلي انت
ـ شو بحكي؟؟
ـ كيفك بمصر.. شو عامل مع المصريين والمصريات ؛)
ـ شو بحكيلك يعني.. بتعرفي.. الغريب بيضل غريب... شكلو غريب لونو غريب اسمو غريب لكنتو غربية... وأنا هلا غريب .. بطلّع بكل شي حواليا.. ما في شي بعرفو.. ما في شي مألوف.. ما في شي معتاد.. كل شي غريب عني.. حتى الناس.. المصريين هون ما بيفهو عليّ.. ما بيعرفو شي عنا لا بالسياسة ولا بالدراما.. ما في شي عم يخفف هاي الغربة إلا رفائي السوريين.. معهم بحس حالي بسوريا عنجد
ـ نحنا كمان أغراب هون.. ماضل شي من اللي كنا عم نعرفه.. مابقي سوريا اللي أخدتها معاك.. اذا بترجع ما رح تلاقيها.. على الأقل انت بغربة ببلد غريب.. نحنا هون أغراب ببلد بنسميه الوطن.... نحنا مو بس أغراب .. نحنا كفار بيجوز فينا القتل.
ـ طيب خلص.. لحسن بعدين ببكي :P
ـ انت هيك ؟ ما بتاخد شي جد أبداً
ـ باخدها جد بموت منوكد.. هيك أحسن.. الحياة أصلاً مزحة.. مزحة كبيرة لازمن... نضحك عليها... قولي ملهاة.. مسرح كوميدي.. مهزلة... مسخرة.. مو أكتر.
ـ خلي المزح والضحك لحد غيرنا.. حد ما عندو مشاكل.. او على القل يعني ما بيموت كل يوم.
ـ يعني الضحك كتير علينا لحتى نتركو لغيرنا؟
ـ لا.. بس..
ـ بلا بسبسه...... يا الله شو اشتقتلك.. واشتقت لها الفلسفة تبعك.
ـ يعني أنا عمبتفسلف؟؟؟
ـ لك يا مخبلة سمعتي "فلسفة" وما سمعتي "اشتقت".. طيب اشتقت اشتقت اشتقت اشتقت... مبين اني رح موت شوقاً وانتي ما بتردي... يعني مو بيكفي اني ماني شايفك كمان ما بدي اسمعك..
ـ لالا استنى ما تموت هلأ.. يعني انت بتعرف..
ـ شو بعرف؟؟
ـ بتعرف كل شي من دون ما أحكي... بتعرف كل شيء بحكيه .. كل شي ما عم بحكيه.. كل شي بحبو كل شي بكرهو... كل شي انت بتعرفو.
ـ أي بعرف.. عم بتحبي المانجو وعم تكرهي الخوخ.. بعرف...
ـ لا يعني انك بتقصد..قصدي .. أنا يعني ياللي بقصد.. أنو انا.. أنو انت.. عم تعرف.. انو يعني أنا....
( انقطعت الكهرباء في مصر)
هو: الله يلعنكو شركة الكهرباااااااااااااا
هي: الله يلعنك يا بشااااااااااار
حلوة جدا يا يويو
ردحذف