الأحد، 19 يناير 2014

ولسا

ولسا بفوق وأسرح في نفس الوقت
أنام وأصحى في نفس الوقت
أموت وأحيا في نفس الوقت
ولسا الوقت بيعاند ويديني 100 أسفين
ولسا عيوني متخاصمين
ومتخانقين
عشان دمعة
ولسا الدمعة على خدي
وبتعاند عشان ترجع
ولسا البسمة في قلبي
وبتعافر عشان تطلع

ولسا بقول على نفسي
بدوس الماضي وبعدي
على الحاضر إلى الآتي
ولسا الوقت بيعدي
وأنا لسا معدتش

وأقول بكرة أكيد أحلى
أكيد بكرة هيجي في يوم
لكني في يوم
صحيت من النوم
لقيت بكرة.. بقى امبارح!!
من معاميع أفكار في

ليست هناك تعليقات:

إرسال تعليق

الاشتراك في: تعليقات الرسالة (Atom)