ليلة امبارح مجانيش
نوم
الأغنية تقول " الحالة تعبانة يا ليليى خطبة مفيش "
وأنا أقول " مافي فلوس مافي خطبة مافي جواز ما في أحلام ما في شيء"
ـ مالك يا بالوعة الاحباط؟؟؟
ـ اتلم ياد.
ـ في ايه يا بنت؟
ـ قالك كورس المايا بـ 7000 جنيه... وأنا اللي قولت ع الماكس أبو 700 انه غالي.. آه يانا ياما.. ضاع حلم أفلام الكرتون.. ضاع في الوبا :(
ـ :\
ـ هو انت كده الواحد مياخدش منك غير وشوش.. ماتتنيل تقول أي حاجة.
ـ ماقلتلك نقدم لجوء سياسي لتركيا انتي اللي مرضيتيش وعملتيلي فيها وطنية وثورية وبتاع وقعدتي تقولي نعمرها وننحت ونفحت وبتاع وأدينا بناخد على قفانا.
ـ بلاش لجوء سياسي دي ويبقى اسمنا لاجئين وهيقى شكلنا وحش قوي .. انا بقول نقدم طلبة هجرة لديزني لاند وأروح أشتغل عندهم بطوط :D وانت تشتغل ميكي ماوس .
ـ بطلي هزار طيب.. هتعملي ايه في الكورس ده؟
ـ هقدم على قرض من البنك وأفتح البوتيك اللي طول عمري بحلم بيه :D .
ـ بتهزري !!
ـ طيب أعمل ايه؟؟ أجيب الفلوس دي منين؟؟.. أقولك.. أنزل أشتغل مدرسة في المدرسة اللي جمبينا وأخد 200 جنيه في الشهر.. تفتكر ال7000 دول يتحوشو في كام شهر؟؟... 35 شهر.. 3 سنين وده باعتبار اني هحوش الفلوس كلها يعني وهبطل أشتري جذم.
ـ ده ينفع اللي بتقوليه ده؟؟ والنبي ماينفع.
ـ بقولك طيب.. احنا مش كنا عاوزين نعمل مشروع مركز تعليمي وكده وننهض بالمجتمع والأطفال والكلام دهون.. بص سيبك من الهبل ده.. احنا نفتحلهم سيبر نت باللابات بتاعتنا والساعة ب2 جنيه انا شيفت وانت شيفت :D 12 ساعة في اليوم.. 1440 جنيه في الشهر.. أول 4 شهور نجيب بتمنهم كومبيوترات جديدة :D بقى معانا كام جهاز دلوقتي؟
ـ باعتبار ان اللابات هتفضل سليمة يعني.. 4 أجهزة.. يعني بالزبط 2880 جنيه في الشهر.
ـ وشيل منهم بقى 400 جنيه كهربا و500 جنيه ايجار
ـ 1980 جنيه :D
ـ شيل ال80 جنيه دول هجيب بيهم سندوتشات :D يبقى 4 شهور وآخد الكورس..
ـ انتي بتتكلمي جد هتشتغلي في سيبر؟؟؟
ـ لا اشتغل انت لوحدك وهات الفلوس :D اعمل ايه طيب .. أخلص الكلية .. وأشتغل رسام أوتوكاد.. وأقبض ألف ونص في الشهر .. أحوش الأف وأصرف النص :D وأخد الكورس بعد 7 شهور ..
ـ 3 سنين وسبع شهور عشان تاخدي كورس تنزلي بعديه تتدربي سنة ع الأقل عشان تبدأي تشتغلي في الحاجة اللي انتي حاباها.. اللى الله المشتكى :\
ـ وبعدين؟؟
ـ طيب أقولك أحسن.. سيبك من حوار الكرتون ده وركزي في الكتابة والاذاعة انتي عندك موهبة حلوة في الاتنين ومش محتاجة كورسات ولا بتاع وتقدري تشتغلي في الموضوع ده من دلوقتي لو حبيتي..
ـ أشتغل في ايه؟ انت شفت مستوى الكتب دلوقتي عامل ازاي.. أنا لو نزلت الحاجات اللي بكتبها دي محدش هيشتريها وهتتلم من السوق.. وطبعا عارف ان صاحب الكتاب الخسران بيدفع تكلفة الطبع كلها لدار النشر واللي هتكون أكيد أكتر من ال7000 جنيه دول... أو النظام الجديد تكلفة الطبع عليك والتوزيع عليك.. تدفع 50 ألف جنيه وتوصلك 5000 نسخة تنزل تشحت بيهم في سور ألازبكية.
ـ انتي اصلا فقر.. كأبتيني
ـ ياعم اتلهي.. مهو احنا في بلد مش ماشي فيها غير الاسفاف وقلة الأدب.. يعني لو كنت بكتب حاجات قذرة زي أحمد مراد كان زماني موزعة ملايين النسخ وبقيت تاني أشهر شخصية في مصر.. ولا لو كنت بعرف أطبل زي بتوع التليفزيون ولا بعرف أسف زي باسم يوسف ولا بعرف أكتب شعر في مدح الحكومة كان زماني عرفت أوصل لحاجة.. وبعدين احنا في زمن كل حاجة بفلوس.. حتى لو بس عاوزة أتخرج مهندسة وأشتغل بشهادتي دي لازم أخدلي بتاع 20 كورس وأصرفلي كام ألف عشان خاطر أم الشهادة اللي في الآخر هروح أشتغل بيها رسام أوتوكاد :(... دي شغلانة مش جايبة همها.
ـ ماله بقى اللجوء السياسي؟؟ والنعمة ماليه؟؟ زي الفل.
ـ ايدي على كتفك :D هات حق تذكرة الطيارة :D
ـ امشي يا بت من هنا.
ـ هههههههههههه بقولك ايه .. سيبك من وجع القلب ده... قلتلي دراع البلايستيشن بكام.
الأغنية تقول " الحالة تعبانة يا ليليى خطبة مفيش "
وأنا أقول " مافي فلوس مافي خطبة مافي جواز ما في أحلام ما في شيء"
ـ مالك يا بالوعة الاحباط؟؟؟
ـ اتلم ياد.
ـ في ايه يا بنت؟
ـ قالك كورس المايا بـ 7000 جنيه... وأنا اللي قولت ع الماكس أبو 700 انه غالي.. آه يانا ياما.. ضاع حلم أفلام الكرتون.. ضاع في الوبا :(
ـ :\
ـ هو انت كده الواحد مياخدش منك غير وشوش.. ماتتنيل تقول أي حاجة.
ـ ماقلتلك نقدم لجوء سياسي لتركيا انتي اللي مرضيتيش وعملتيلي فيها وطنية وثورية وبتاع وقعدتي تقولي نعمرها وننحت ونفحت وبتاع وأدينا بناخد على قفانا.
ـ بلاش لجوء سياسي دي ويبقى اسمنا لاجئين وهيقى شكلنا وحش قوي .. انا بقول نقدم طلبة هجرة لديزني لاند وأروح أشتغل عندهم بطوط :D وانت تشتغل ميكي ماوس .
ـ بطلي هزار طيب.. هتعملي ايه في الكورس ده؟
ـ هقدم على قرض من البنك وأفتح البوتيك اللي طول عمري بحلم بيه :D .
ـ بتهزري !!
ـ طيب أعمل ايه؟؟ أجيب الفلوس دي منين؟؟.. أقولك.. أنزل أشتغل مدرسة في المدرسة اللي جمبينا وأخد 200 جنيه في الشهر.. تفتكر ال7000 دول يتحوشو في كام شهر؟؟... 35 شهر.. 3 سنين وده باعتبار اني هحوش الفلوس كلها يعني وهبطل أشتري جذم.
ـ ده ينفع اللي بتقوليه ده؟؟ والنبي ماينفع.
ـ بقولك طيب.. احنا مش كنا عاوزين نعمل مشروع مركز تعليمي وكده وننهض بالمجتمع والأطفال والكلام دهون.. بص سيبك من الهبل ده.. احنا نفتحلهم سيبر نت باللابات بتاعتنا والساعة ب2 جنيه انا شيفت وانت شيفت :D 12 ساعة في اليوم.. 1440 جنيه في الشهر.. أول 4 شهور نجيب بتمنهم كومبيوترات جديدة :D بقى معانا كام جهاز دلوقتي؟
ـ باعتبار ان اللابات هتفضل سليمة يعني.. 4 أجهزة.. يعني بالزبط 2880 جنيه في الشهر.
ـ وشيل منهم بقى 400 جنيه كهربا و500 جنيه ايجار
ـ 1980 جنيه :D
ـ شيل ال80 جنيه دول هجيب بيهم سندوتشات :D يبقى 4 شهور وآخد الكورس..
ـ انتي بتتكلمي جد هتشتغلي في سيبر؟؟؟
ـ لا اشتغل انت لوحدك وهات الفلوس :D اعمل ايه طيب .. أخلص الكلية .. وأشتغل رسام أوتوكاد.. وأقبض ألف ونص في الشهر .. أحوش الأف وأصرف النص :D وأخد الكورس بعد 7 شهور ..
ـ 3 سنين وسبع شهور عشان تاخدي كورس تنزلي بعديه تتدربي سنة ع الأقل عشان تبدأي تشتغلي في الحاجة اللي انتي حاباها.. اللى الله المشتكى :\
ـ وبعدين؟؟
ـ طيب أقولك أحسن.. سيبك من حوار الكرتون ده وركزي في الكتابة والاذاعة انتي عندك موهبة حلوة في الاتنين ومش محتاجة كورسات ولا بتاع وتقدري تشتغلي في الموضوع ده من دلوقتي لو حبيتي..
ـ أشتغل في ايه؟ انت شفت مستوى الكتب دلوقتي عامل ازاي.. أنا لو نزلت الحاجات اللي بكتبها دي محدش هيشتريها وهتتلم من السوق.. وطبعا عارف ان صاحب الكتاب الخسران بيدفع تكلفة الطبع كلها لدار النشر واللي هتكون أكيد أكتر من ال7000 جنيه دول... أو النظام الجديد تكلفة الطبع عليك والتوزيع عليك.. تدفع 50 ألف جنيه وتوصلك 5000 نسخة تنزل تشحت بيهم في سور ألازبكية.
ـ انتي اصلا فقر.. كأبتيني
ـ ياعم اتلهي.. مهو احنا في بلد مش ماشي فيها غير الاسفاف وقلة الأدب.. يعني لو كنت بكتب حاجات قذرة زي أحمد مراد كان زماني موزعة ملايين النسخ وبقيت تاني أشهر شخصية في مصر.. ولا لو كنت بعرف أطبل زي بتوع التليفزيون ولا بعرف أسف زي باسم يوسف ولا بعرف أكتب شعر في مدح الحكومة كان زماني عرفت أوصل لحاجة.. وبعدين احنا في زمن كل حاجة بفلوس.. حتى لو بس عاوزة أتخرج مهندسة وأشتغل بشهادتي دي لازم أخدلي بتاع 20 كورس وأصرفلي كام ألف عشان خاطر أم الشهادة اللي في الآخر هروح أشتغل بيها رسام أوتوكاد :(... دي شغلانة مش جايبة همها.
ـ ماله بقى اللجوء السياسي؟؟ والنعمة ماليه؟؟ زي الفل.
ـ ايدي على كتفك :D هات حق تذكرة الطيارة :D
ـ امشي يا بت من هنا.
ـ هههههههههههه بقولك ايه .. سيبك من وجع القلب ده... قلتلي دراع البلايستيشن بكام.
ليست هناك تعليقات:
إرسال تعليق